ကုန်းဘောင်ခေတ်သမိုင်းကိုလေ့လာတဲ့အခါမှာ မိဖုရားတွေနဲ့ပတ်သတ်ပြီး နန်းမတော်မယ်နု၊ ဆင်ဖြူမရှင် ၊ စုဖုရားလတ် ဆိုတဲ့မြေးအဖွားသုံးယောက်ရဲ့ အာဏာ ဓါးထက်ခဲ့ပုံတွေကိုသာတွေ့ကြရမှာပါ။
ဒါပေမယ့်ဒီမိဖုရားကြီးတွေရဲ့ဘဝတွေဟာစ လယ် အဆုံး သုံးပါးလုံး ဓါးထက်ခဲ့သူတွေမဟုတ်ကြပါဘူး။
ဒီမိဖုရားကြီးရဲ့ဘဝကတော့ စလယ် အဆုံးသုံးပါးလုံး ဓါးထက်ခဲ့သည်သာမက ကုန်းဘောင်မင်းဆက် သုံးဆက်တိုင်တိုင်အာဏာ ကြီးခဲ့ပါတယ်။မိမိရဲ့အာဏာအတွက် နန်းသွေးတော်တော်များများ ကို သုတ်သင်ခဲ့ပါတယ်။
ယုတ်စွအဆုံး မိမိရဲ့ လင်တော်မောင်ဘုရင်ကြီး(စိတ္တဇ ဖြစ်နေသော သာယာဝတီမင်း) ကိုပင် အဆိပ်ဆေးခပ်ပြီး အဆုံးစီရင်ခဲ့သည်ရယ်လို့ ကောလဟာလ ထွက်စေခဲ့သည်အထိ ဖြစ်ခဲ့ပါတယ်။
နောက်ပြီး မြန်မာတို့အတွက်အရေးပါလွန်းလှတဲ့ ပင်လယ်ထွက်ပေါက်အပါအဝင် မြေကလားသော် သရက် ကုန်းကလားသော် တောင်ငူအထိ နယ်မြေတွေဆုံးရှူံးခဲ့ရတဲ့ အင်္ဂလိပ် မြန်မာဒုတိယ ကျူးကျော်စစ်ကြီးကို ဖြစ်စေခဲ့သူ အဖြစ် လက်ညှိုး ထိုးမယ်ဆိုရင် ရနိုင်လောက်ပါတယ်။
ဒါပေမယ့်ဒီကျူး ကျော်စစ်ကြီးတွေဟာ အင်္ဂလိပ်တွေရဲ့ ယုတ်မာတဲ့အကြံအစည်တွေနဲ့တနည်းမဟုတ်တနည်းပါဝင်ပတ်သတ်နေတဲ့အတွက် အဓိကတရားခံကတော့ မျက်နှာဖြူအင်္ဂလိပ်တွေသာဖြစ်ပါတယ်။
ဒီမိဖုရားကြီးဟာ ကုန်းဘောင်အဋ္ဌမမြောက်ဘုရင် သာယာဝတီမင်းကြီးရဲ့ မိဖုရားခေါင်ကျပင်းမိဖုရားကြီးဖြစ်ပါတယ်။
နောင်တက်လာတဲ့ ကုန်းဘောင်နဝမမြောက်ဘုရင် ပုဂံမင်းလက်ထက်မှာလဲ မယ်တော်မိဖုရားကြီး ဘဝနဲ့ ခမည်းတော်သာယာဝတီမင်းလက်ထက်က စံနေရင်း တောင်နန်းတော်ဆောင်မှာပဲ အခမ်းအနား အခြွေအရံ စည်းစိမ်နဲ့တကွ စံခွင့်ရခဲ့ပါတယ်။
အလားတူ သမက်တော် မင်းတုန်းမင်းကြီး လက်ထက်ရောက်တဲ့အခါမှာလဲ ဘုရင့်ယောက္ခမဘဝနဲ့ အခမ်းနားဆုံးသော မင်းစည်းစိမ်တွေကိုခံစားရင်း နတ်ရွာစံတဲ့အထိနေခဲ့ရပါတယ်။
သာယာဝတီမင်း နန်းရတဲ့အချိန်မှာ ကျပင်းမိဖုရားကြီးဟာ
ရာဇဘိသေက ဘိတ်သိတ်ခံယူပြီး ကုန်းဘောင် အဋ္ဌမမြောက်မိဖုရားခေါင်ကြီးအဖြစ်ရောက်ရှိခဲ့ပါတယ်။
သာယာဝတီမင်း ဟာ မိမိရဲ့ မိဖုရားခေါင်ကျပင်းမိဖုရားကြီးက မွေးဖွားတဲ့ပုဂံမင်းသားထက် အလယ်နန်းမိဖုရားကဖွားမြင်တဲ့
သားတော်တွေ ဖြစ်တဲ့ ပခန်းမင်းသားနဲ့ပြည်မင်းမင်းသားကို
အရေးပေးချစ်ခင်ခဲ့ပါတယ်။
သာယာဝတီမင်းကြီး စိတ္တဇ ရောဂါစွဲကပ်တဲ့အချိန်ကစပြီး မိမိသားရဲ့ ထီးနန်းလုဘက်ဖြစ်တဲ့ပြည်မင်းသား၊ ပခန်းမင်းသားနဲ့တကွ မြောက်သားတော်အခြွေအရံတွေကို ဘုရင့်အမိန့်နဲ့ဖမ်းဆီးပြီး သုတိသင်ပြစ်ခဲ့တယ်။
နောက်ပြီး ပုဂ္ဂလိက ရန်ငြိုးထားပြီး သာယာဝတီမင်းရဲ့သာမန်အရပ်သူ အနောက်နန်းမိဖုရာမြလေးကိုလဲ ဘုရင့်အမိန့်သုံးကာ သာယာဝတီမင်းရဲ့သားတော်ပြည်မင်းသားနဲ့ဖောက်ပြန်သည်ဟုစွပ်စွဲပီး ဆင်နဲ့နင်း အဆုံးစီရင်စေပါတယ်။
အဲ့ဒီအချိန်မှာသာယာဝတီမင်းကြီးရဲ့အခြေအနေဟာ တော်တော်ဆိုးရွားနေပါပြီ။ ကြေးနဲ့ပြုလုပ်ထားတဲ့ ထောင်ထဲမှာ သီးသန့်ထားပြီး သာမန်အဆင့်ကိုယ်လုပ်တော်ကမွေးဖွားပြီး ထီးနန်းလုနိုင်ခြေမရှိတဲ့ တရုတ်မြှော်မင်းသားလေးကို အစောင့်အနေနဲ့ထားကြပါတယ်။
အဲ့ဒီနောက်မကြာခင်မှာပဲဘုရင်ကြီးဟာ နတိရွာစံခဲ့ရပါတယ်(မိဖုရားခေါင်ကျပင်းမိဖုရားကြီးက အဆိပ်ဆေးတိုက်၍သေစေခဲ့သည်ဟု ကောလဟာလရှိခဲ့ပါတယ်)
လင်တော်မောင်ဘုရင်သေဆုံးပြီးတဲ့နောက်မှာတော့ သားတော်ပုဂံမင်းနန်းတက်လာပါတယ်။သားတော်လက်ထက်မှာလဲထီးနန်းလုနိုင်ချေရှိတဲ့ ပြည်မင်းသား၊ ပခန်းမင်းသာတို့ရဲ့ အစွယ်အပွားတွေကို နှိမ်နင်းခဲ့ပါတယ်။
နောက်ပိုင်း ဘိုင်ဆပ်၊မောင်ပိန်တန်ခိုးထွားလာတော့ ကျပင်းမိဖုရားကြီးဟာ သားတော်အပေါ်သြဇာမလွှမ်းနိုင်ဘဲ ဘိုင်ဆပ်မောင်ပိန်လုပ်သမျှကို လစ်လျှူ ရှူ နေရသည်အထိ အာဏာမှေးမှိန်ခဲ့ရပါတယ်။
မကြာမီမှာပဲ မဘဲအရေးအခင်းပေါ်ပေါက်လာပြီး သာယာဝတီမင်းရဲ့ တောင်ဆောင်တော်မိဖုရား(အဆောင်ရမိဖုရား)
ကမွေးဖွားတဲ့ မင်းတုန်းမင်းသားနဲ် ကနောင်မင်းသားတို့ဟာ ပုန်ကန်ထွက်ပြေးရမည့်အခြေအနေဆိုက်ရောက်ခဲ့ပါတယ်။
အဲ့ဒီအခါမှာ ကျပက်းမိဖုရားကြီးဟာ သမီးတော်စုဖုရားကြီး(စင်္ကြာဒေဝီ) နဲ့ပူပေါင်းပြီးမင်းတုန်းမင်းသားဘက်ကို ဝင်ရောက်ခဲ့ပါတယ်။ဒီနောက်မှာတော့ တရားဝင်ပုန်ကန်မှုစတင်ပြီး ၃လ အကြာမှာပဲ ပုဂံမင်းကိုဖြုတ်ချနိုင်ခဲ့ပြီး မင်းတုန်းမင်းကြီးနန်းတက်လာခဲ့ပါတယ်။
ဒီအရေးတော်ပုံကြီးအတွင်းမှာပဲအင်္ဂလိပ်မြန်မာဒုတိယကျူးကျော်ာ်စစ်ကြီး ဖြစ်ပွားနေခဲ့ပြီး အောက်မြန်မာပြည်နဲ့တကွ ပင်လယ်ထွက်ပေါက်အားလုံး ဆုံးရှူံး ခဲ့ရပါတယ်။ ဒီအတွက်ကြောင့် ပုဂံမင်းရဲ့ ပဲ့ကိုင်ရှင် ဖြစ်ခဲ့တဲ့ မယ်တော်မိဖုရားကြီး ဟာ အလိုအလျောက်ပဲ ဒုတိယ ကျူ းကျော်စစ်ရဲ့ တရားခံလို့ပြောမယ်ဆိုရင် ရတဲ့ဘက်ပါနေပါတယ်။
မင်းတုန်းမင်းကြီး နန်းတကလာပြီးတဲ့နောက်မှာ မိမိရဲ့သမီးတော် စုဖုရားကြီး(စင်္ကြာဒေဝီ)ကိုတောင်နန်းတင်ပြီးမြှောက်စားခဲ့သည်သာမက ယောက္ခမတော် ကျပင်းမိဖုရားကြီးအတွက် ကိုလည်း
တောင်နန်းတော်တမျှ ခမ်းနားစွာဆောက်လုပ်ပြီး
ထားခဲ့ပါတယ်။
မင်းတုန်းမင်းကြီးရဲ့ မန္တလေးနန်းတော်ထဲမှာပဲ မင်းစည်းစိမ်အပြည့်အဝနဲ့ နှစ်ပေါင်းနှစ်ဆယ်နီးပါးစံနေခဲ့ရပါတယ်။သမီးတော်စုဖုရားကြီး နတ်ရွာမစံမီ တစ်နှစ်အလိုကျမှာသာ နတ်ရွာစံကံတော်ကုန်ခဲ့ပါတယ်။
နတ်ရွာစံပြီးတဲ့နောက်မှာလည်း စကြဝတေးမန္ဓတ်မင်းတို့၏ မိဖုရားကို သင်္ဂြိုလ် သည့်နည်းအတိုင်းဟုဆိုကာ ခမ်းနားစွာ သင်္ဂြိုလ် ခဲ့ပြီးတဲ့နောက်မှာ အရိုးကို လှော်ကားနဲ့ တင်ပြီး ဧရာဝတီမြစ် ထဲချခဲ့ပါတယ်။
မန်းလေးနန်းတွင်းက သင်္ဂြိုလ် သည့်နေရာမှာလဲ ကျွန်းပြဿဒ် ဆောက်လုပ်ပြီး အမှတ်တရထားရှိခဲ့တာကို ယနေ့တိုင်တွေ့မြင်နိုင်ပါသေးတယ်။
Credit
