ရှေးအခါက မင်းညီမင်းသားတွေမှာ တက္ကသိုလ်ပြည်သွားပြီး အဌာရသ (၁၈) မျိူး သင်ကြားရပေသည်။ ယောက်ျား တို့တပ်အပ်သော အဌာရသ (၁၈) ရပ် တို့မှာ အမျိုးအစားကား စုံလင်လှသည်။
ထိုအထဲမှ တစ်မျိုးလောက်သာ ထူးချွန် လျှင် ဆရာတစ်ဆူလုပ် လို့ရသည်။ (၁၈) မျိုးစလုံး တတ်လျှင်ကား ဆိုဖွယ်ရာ မရှိတော့။စာပေတွေထဲမှာတော့ ဒီပညာ (၁၈) ရပ် အတွက် သင်ကြားချိန် က ၃ နှစ် လို့ဆို၏။
၃နှစ်တည်းနဲ့ ဒီလောက်စုံလင်တဲ့ လက်ရုံးရည် နှလုံးရည် ပညာတွေကို ဘယ်လိုသင်သလဲ ဆိုတာကတော့ စဉ်းစားစရာပင်။ဒါမှမဟုတ် ယခုခေတ် နှစ်သက်ရာ မေဂျာယူသလို သူတို့လည်း တစ်မျိုးစီ အထူးပြုယူလေသလား မပြောတတ်ပါ။
ထို အဌာရသ ပညာရပ် (၁၈) ရပ်က ဘာတွေလဲ ။ မသိသေးသူများအတွက် ဗဟုသုတအဖြစ်ဖော်ပြပေးလိုက်ပါတယ်။
အဌာရသ (၁၈) ရပ်မှာကား –
၁။ အကြားအမြင်အတတ် (သုတိ)။
၂။ ဓမ္မသတ်တတ်ကျွမ်းမှုအတတ် (သမ္မုတိ)။
၃။ အရေအတွက် ဂဏန်းသင်္ချာ အတတ်(သင်္ချာ)။
၄။ တံစည်း ၊ စူး၊ ဆောက် အစရှိသော ဗိသုကာ အတတ်(ယောဂါ)။
၅။ အကျင့်ဆိုင်ရာ ဆုံးမမှု အတတ် (နိတိ)။
၆။ ယာယီ ၊ ယတြာ စသောဗျာကရိုဏ်အတတ် (ဝိသေသကာ)။
၇။ သီဆို်ကခုန်မှု ကဗျာ၊ ဂီတ၊ လင်္ကာ အတတ် (ဂန္ဓဗ္ဗာ)။
၈။ လက်ဆစ်ချိုး၍ ရေတွက်ဟောပြောသော အတတ် (ဂဏိကာ)။
၉။ လေးမြှား အတတ် (ဝနုဗေဒါ)။
၁၀။ ရှေးဟောင်းစကား ၊ ကျမ်းဂန်အတတ်(ပုရာဏ)။
၁၁။ ဆေးပညာ အတတ်(တိကစ္ဆက)။
၁၂။ ရယ်ရွှင်ဖွယ် အတတ် (ဣတိဟာသ)။
၁၃။ ဗေဒင် အတတ် (ဇောတိ)။
၁၄။ ဖုံးကွယ်လှည့်ပတ်မှု အတတ်(မာယာ)။
၁၅။ ဆန်းကျမ်း အတတ် (ဆန္ဒတိ)။
၁၆။ သံတမာန် အတတ် (ကေတု)။
၁၇။ မန္တန် အတတ် (မန္တာ)။
၁၈။ သဒ္ဒါတတ်ကျွမ်းမှု အတတ် (သဒ်ဒါ) တို့ပင်ဖြစ်ပေသည်။
Credit – original
